الشاعر هملان بن مثيب بن دخيل الله الدعجاني العتيبي من اهل هجرة جرب وهو في من الجبع من الملابسه من الدعاجين من عتيبه من اهل الحفيره ديرة الدعاجين ولاكن عاش هذا الشاعر في الجنوب كان يرحل مع قومه ورى الكلا والماء فعندما احلو بوادي جرب كان هذا الوادي محايد مابين غامد والبقوم وسبيع فاحتموه الدعاجين وحفرو عد اي حسو يخرجون منه الما فوضعو الدلو قريب منه وقامو برسم او خط وسم ابل قبيلة الدعاجين الباب 0على الحصاء المقابل للعد وكان العد لدعاجين فقط يسقون مواشيهم ويشربون منه ويحمون القبايل عنه جو قبايل من غامد يريدون ان يشربون من العد فمنعوهم الدعاجين وصار ذبحه على العد بين الدعاجين وغامد 0ارسل شاعر منهم قصيده قال فيها
الي يوسم دارنا لايحلها ---------ياكود ماضي من قديم هجور
ياكود جده ماضين مع جدنا------ويمشي علينا بلخوي ويثور
حنا لراشد مثل ضلعن راسي-----لاينكسر جاله ولامكسور
وهيض عليه بادين بالصفرا-----من العشاء لين اقبل السحور
000 عندما وصلت القصيد لدعاجين وصلوها لشاعرهم هملان قال هملان
خلوه يركب على عمليه----- لاهيب لافاطر ولافغرور
ردو خبر هملان لبن عويد----ثم علمه بالثبت والمقرور
الشاعر الي مايعرب جده-----تراه حقه سلكة الحنجور
ان كان تنشد جدنا من عتيبه---- يومن جدك من عين ابن قنور
اشرب معي من عدي الي حفرته ----واشرب معك من عدك المحفور
واشرب معي من عدي الي حفرته ---- واصدر الياكان الرجال صدور
الذم والله مايرد الطيب --------------والمدح ماينفعك بالمثور
لاشفت رجلن يمدح عمره-----------نعمتله ماقلت فيك قصور
هذاك ماينقال له ياشاعر-------------يقال ياعشن بغير طيور
امحدرن ومسندن تواجهو-------------تواجهو بالوادي المعمور
انكان تنشد عن محلي ومنزلي----انا صبي العين بين حجور
انكان تنشد جدنا من عتيبه ------العود غايب والعيال حضور
هذا وما قدرت على جمعه وطرحه ارجو يحوز على رضاكم

بيض الله وجهك اخوووي مسلط

على المعلومات والقصه والقيدة

ونعم بعيال عمنا في جرب

شـكــ وبارك الله فيك ـــرا لك ... لك مني أجمل تحية .

مشكووووووووووووووووووريالغالي

بيض الله وجهكـ

السلام عليكم ورحمة الله وبركاته



مشكور على اشتهادك واسرادك للقصة اخي الكريم ولا هنت عليها ...

لكن وانا اخوك عندك اخطاء كثيرة الله يحفظك لا في الروايه ولا في القصيدة ..


هذه القصيدة الصحيحة

انا احمدالله يوم انا من غامد ... رمحا على صدر العدو مسمور

واحمد الله يوم انا من غامــد ... مكـــيالنا مـــد الخميس يجور

واحمد الله يوم انا من غامــد ... واقولها في المجلس المحضور

والرجال الي ما يوزن كلامـه ... حــق لــه قطعــة الحنجـــــور

ردوا كلامي يازنابيل الحكا ..... هذا مسند به وذك حدور

دوا كلام الطيب لابن عويد ..... كلام صادق واضحٍ مخبور

لاشفت رجالاً يمدح نفسه ..... نعمت له مااقول فيه عقور

والذم والله مايرد الطيب ..... والمدح ماينفعك يالمعثور

جدي وجدك في(جرب) تواجهوا ..... ثم اقسموها ذرعةٍ وشبور

جدي وجدك في (جرب)تخاشروا ..... والله يبارك فيك يالمخشور

اشرب معي من عدّي اللي حفرته .... واشرب معك من عدّك المحفور


وهذا رابط عن مجموعة قصائد الشاعر / هملان الدعجاني الغامدي
http://www.moltaqa1.com/vb/showthread.php?p=311693#post311693



وادي جرب تابع لقبيلة غامد وارض من اراضيها لا قبيلة سبيع ولا قبيلة البقوم لهم فيه شيء
على مدى التاريخ ، سبيع والبقوم يحادون غامد على رنيه ووادي تربه ...

وادي جرب تابع لقبيلة العبيدات من بادية غامد والعبيدات يتفرعون لــ 6 افخاذ ، وهم :

ال مسلم والقنازعه والزوايع وال طالب والدعاجين والبشابشه

وشيخهم كافة من فخذ الزوايع الشيخ هندي ابن منيس الزايعي الغامدي

وفخذ الدعاجين من غامد منا وفينا وهم يكتبون الغامدي ولا يكتبون العتيبي ابداً ، قد يكون هنالك

حديث انهم من قبيلة عتيبه في الاصل ونعم مليون في قبيلة عتيبه شغاميم الرجال ومطانيخ ولا ينكر هالشيء

إلا جاهل او مريض ولكن زبنتهم غامد لدم كانو عليهم بين ربعهم وهذا مفخره للقبيلتين معاً

وهذي كانت سلوم في كل القبائل ويعتبر شيء عادي وطبيعي والله فوق كل عليم سبحانه ...



دمتم بود

الله لا يهينكم جميع
وشكراً أخوي شبل الهيلا على التعديل
وكلامك صحيح بالنسبه لخرج من كان عليهم دم من الدعاجين
وتوجههم إلى .. جرب .. ولهذا نسبو إلى قبيلة غامد
وأذكر في مزاين الهيلا لقد أتى بعض منهم إلى ربعهم في محافظة الدوادمي
وذكرو بأنهم أبناء عمومتهم وكان خروجهم بسبب الدم وحصل ماحصل

هذا والله أعلم ,
أما بالنسبه للقصيدهـ فلا تحضرني ولست ملمٍ بها

تقبلوو مروري .

الله يحييك يا زياد تحية السيل وتراحيب المطر ...

شهادة حق احب اقولها واذكرها في هذا المنتدى الرائع

يعلم الله ان اغلب اخوياي الاعزاء وجيرانا كذلك من قبيلة عتيبه الغالية والعزيزة علينا كثييييييييير ،

وانشهد بالله انهم رجال وقروم وينحطون على الجرح يبراء يالبى قلوبهم ولبى اخوتهم

اللي ترفع الراس ...


دمتم في رعاية الله جميعاً

الاخ شبل الهيلا غااااااامدي حاقد ومتهاوش معاه في منتدى غامد

لاتحرف بقصيد ابن عمي وتاخذ اسم ماهو لك

واذا كنت صادق اترك رقم جوالك وعنوانك

واسمك كامل

الاخ زياد لاتصدق اي شي وانا اخوك كلام منتديات هذا كلام الشياب الكبار اخبر مني ومنك الدعاجين ما عليم دم ولا حرب مع ربعهم في الحفيره جو لوادي جرب ورى مواشيهم وهاربين من الجوع ونزلو بوادي جرب واحتموه وعاشو فيه رجع من رجع منهم لنجد والباقين في ديرتهم

واذا تبي قصيد يوضح كل شي موجود والعزوه والوسم مايضيع والغامدي الي ممتحي اسم الهيلا

كذاب واتحداه واذا صادق يجيب قصص وقصيد تثبت ان الدعاجين من غامد

السلام عليكم ...
اخوي مسلط ارجو منك احترام هذا المنتدى الكريم
ولكن اسلوبك غير منطقي ( اترك رقمك و عنوانك ) انت بتحل
الموضوع ولا تبي تهاووش معه وارجو من اخواني اهل المناصب بالاداره انهم
يقفلون الموضوع ، زي مايقولون ( الباب الي يجي منه ريح سده وستريح )
والله لايهينكم يا شباب ع التوضيح ...

بسم الله الرحمن الرحيم


اول شئ هملان بن مثيب الدعجاني

هو دعجاني من عتيبة وعاش في الجنوب

وقصائدة مشهورة في نجد منها قصيدتة في مدح الهيضل

حامين قرارة نجد يرعونها هيت ---- بمصقلات في يدين شطيرة
خيل توصل بين شقران وصويت --- هذي مناكيف والاخرى مغيرة


اما قصيدة التي ذكرها الاخ شبل غامد

فهي كالتالي

انا احمد الله يوم انا من لابة ----- رمح على صدر العدا مسمور


و

منها

وجدًي على الطالة لفا من عتيبة ---- وجدك لفا من عين ابن قنور
وهو يقصد ان
بادية غامد ليسو من غامد

حيث انا غامد قبيلة كريمة ولكن ليس لها بادية عبر التاريخ

وهم كالتالي ---- الزوايع والجنازعة وهم من عيال سليمان من عبيدة

ال مسلم --- من الحرقان من قحطان

كما نحتفظ بالاخرين الى وقت اخر

وذلك كلة يروونه هم بانفسهم

اما الدعاجين فقد رجع منهم الكثير قبل حوالي 100 سنة
وبقي الكثير

وهم الجبع من الملابسة وسمهم الباب وعزوتهم مفلح ولايختلف على نسبهم الا جاهل او مكابر

وانه بعد جولات في منتديات غامد اشكر لهم محاولة تمسكهم بالدعاجين لما للدعاجين من ارث تاريخي وشعري كبير


وهذه القصيدة كامله
خــلــوه يــركــب عــلــى عـمـلـيــه
لاهــيـــب لافـــاطـــر ولافـــغـــرور
يوصل خـبــر هـمــلان لـبــن عــويــد
و يعـلـمـه بالـثـبـت والـمـقــرور
ان كان تنشد عن محلي ومنزلي
فانا صبي العين بين حجور
وان كان تنشد عن موارث جدنا
فالعود غايب والعيال حضور
وجدي على الطالة لفا من عتيبة
وجدك لفا من عــــين ــابن قنور
محــــــدر ومســــند تواجــــهو
تواجهو في ذا الوادي المهجور
والـشـاعـر الــــي مـايـعــرب جـــوابة
تـــراه حــقــه سـلـكــة الـحـنـجـور
هــذاك ماينفـــال له ياشــــــــاعر
يقـــــال ياعـــــش بغـــير طـــيور
وانا احمد الله يوم انا من لابة
رمح على صدر العدا مسمور
وانا احمد الله يوم انا من لابة
مكيالنا مد الخميس يجـــــور
وانا احمد الله يوم انا من لابة
اقولها في المجلس المحضور
نلزم عنان الراس مانلكث القفا
وركــــــابة كان الحــــصان طمور
لاشـفــت رجـلــن بيــمــدح عــمــره
نعمـتـلـه مـاقـلــت فــيــك قــصــور
الــــــذم والله مـــايـــرد الــطــيـــب
والــمـــدح مـايـزيد ـالـمـعـــــثــور

وسلامتكم ولي عودة مع تحليل القصيدة لتتضح الرؤيا

شـكــ وبارك الله فيك ـــرا لك ... لك مني أجمل تحية .

الاخ مسلط الشبيلي عليك ملاحضات كثيره
منه ماهوسبب الزعل خليك شمالي الوضع نحمد الله طيب وشبل الهيلا هذا من قبيلة غامد ولنا الفخر بان مثل قبيلة الدعاجين نزلوا بديرتهم ولهم امالك كثيره وهذا شي نفتخر به وشبلا الهيلا ممكن يكون جاهل في ساس العرب ولو قال انك غامدي لاتزعل لكونه ليس هو من يحدد القبيله وتمسكهم بهذا الشاعر يحق لهم لكونه شاعر كبير وليس لدي غامد شاعر مثله ولافيه شي يزعل وسوف يكون هناك تفصيل الفبائل جرب جميعهم بااذان الله قريبا