السلام عليكم ورحمة الله وبركاته


صوره الكل من ابناء قبيلة عتيبه يتمنى ان تتكرر

الكل يشارك بتعبيره

ماذا تعني لك هاذي الصوره؟



http://dc03.arabsh.com/i/00570/g4kidlksdd4h.jpg (http://dc03.arabsh.com/i/00570/g4kidlksdd4h.jpg)

ولا اروع لاكن للاسف ماحالفني الحظ واكون موجود وذلك بسبب وفاة الوالد ..

نتمنى تكرارها..

ابو هليبه

اسأل الله تبارك و تعالى ان يغفر لوالدك ويسكن فسيح جناته


لاهنت

ولا اروع لاكن للاسف ماحالفني الحظ واكون موجود وذلك بسبب وفاة الوالد ..

نتمنى تكرارها..



الله يرحمه ويسكنه فسيح جناته

الله يذكرها بالخير يازينها من ايام

اي والله يازينها من ايام

لاهنت يابو فيصل

مشكور يالعوام على الموضوع , وتعليقي في مقطع الفيديو التالي

http://www.youtube.com/watch?v=rOlEwJWRIO0&feature=related

لاهنت ياشبابي

مشكور والله عوام ولاهنت ،،،

وتعليقي هو ،،،،

ياعــل ربـع ٍ لبســوا نـجــد فـي يـــــوم

احلى الدرر منه النفود محكــــــــــورة

اخيام مبنية وصيوان محشـــــــــــــوم

ومشرعة بيبانها ومعمـــــــــــــــــورة

بدلال كيف ٍ تقعد الراس للقــــــــــــوم

وحيل ٍ تقلّط في الصحون مخبـــــورة

تنعاد ذكراهم على عز وسلــــــــــوم

وتبني لنا الهيلا مباني جســــــــورة


هذي ابيات من قصيدة مسندها على الشاعر /

ممدوح بن سالم بن طيب العطياني المقاطي (( راعي مدركة ))

بتاريخ 10 / 10 / 1429 هـ بمناسبة مرور عام على الملتقى

والقصيدة موجودة بمنتدانا ومنتدى مدركة الرسمي وتقبل مروري

الله يعيد هاك الايام والله انها شي نادر وجودة آآآآآآآآآآآآآآآآآآه بس !!

الله الله

صح لسانك مدد بلا عدد

لاهنت ياراع النوايف

مشكووووووووووور ع النقل يالعوام

بسم الله الرحمن في مبتدأ القول
الـواحد المعبود جـلا جـــــــــلالـــــــه

ياحي يا قيوم ذا الحول والطول
يـامنفرد بسمى الكمال بكمـــــــالــــه

أسالك التوفيق ياخيـر مسئول
وأعوذبك من كل جهل وضـــــــلاــــله

العيد عاد وياعسى الصوم مقبول
واليـوم عيدٍ تـو هـلا هـــــــــلالـــــــــه

عيـدٍ يعيدبه من الحـول للحول
على عتيبـه فرحته وابتهـــــــــالــــــه

عيدٍ مدى الايام ماهوب مجهول
ويكتب على التاريخ بفضل مقـــالــــــه

ماهوب بس مزاين نياق وفحول
ننقل لكـل الناس عنئ رســــــــــالـــــــه

لطامـة العايل وذباحة الحـول
هيـلا مثل نـوٍ ترزم خيـــــــالــــــــــــــــه

تاريخنا ومجادنا خير مدلـول
ولا سكنا نجد فضل وجمـــــــــالـــــــــــه

يا نجد نبغى منك ولياك منزول
بقطعان بدوٍ ما تهاب الشكــــــــالــــــــه

وشلنا القبايل شيل سيل لغرمول
يهيل جاله لـين يدني زوالــــــــــــــــــــه

ياما هقى فينا نعاتيت وزحول
وراحو ضحايا حرب ولا ذلالـــــــــــــــــه

الله خلقنا نعتلي كل مقلـول
واللاش عينه ما تعدى ضـــــــــلالــــــه

ويفرح بنا الطرقي ليا قال لاحول
في ليل بردٍ مايسـره جــــــــلاــــــــله

نعطيه در أفواق وضحٍ كما اللول
وتمر قدوع له وكبشٍ عشـــــــالــــــــه

عشنا كذا ماغير سلومنا الهول
نصبر على ميل الزمان وعـــــداـــــــله

إلين جاء علمٍ من الشرق منقول
علمٍ ذكر عبد العزيز ورجــــــــــالـــــه

عبد العزيز الي به الجهل مقتول
مغير الاحـوال حاله بحـــــالــــــــــــــه

أليا زعل يروي شبا كل مسلول
وليا رضى من زل يرفع خمـــــالــــــه

قمنا معه برجال وسنان وخيول
نشيد حكمٍ ساس دين وعــــــــدالـــــه

إلين تم الحكم وبليس مخذول
حكمٍ عسانا ما ندور بــــــــدالـــــــــه

ما عهدنا بيام وشهور ويزول
جدي مع المسس وانا مع عيـــــــالـــه

وفدي المليك بكل مملك وما نول
خـادم بيـوت الله حنا فـــــــدالـــــــــه

ملك ملك في شخصه الخير مأمول
دوله وشعب معلق فيه آمـــــالـــــــــه

له نظرةٍ يرسم بها أهداف وحلول
وله قلب كل الشعب بالحب شـــــالـــه

وله سطوةٍ تخلف مفاهيم وعقول
وله قالةٍ تصغر بها كل قـــــالـــــــــه

حكمٍ بعبدالله وسلطان مشيول
بين الجدي وسهيل هذا مجـــــــــالـــه

ذولا الرجال اللي لهم فضل وفعول
يالله لا تخلي الوطن من جبـــــالــــــه

سلطان مثل المعتلي نايف الطول
ومن ضدته سود الليالي لجــــالـــــــه

مزبن ذرى بالجود والناس مأهول
فيه السخى والعطف فيه الجزالــــــه

معمور يا بيتٍ من الناس مدهول
وتعيش يا كفٍ ذهـابٍ لمـــــــالـــــــه

كفـه وصابيعه لها نو وثعـول
هو عون من تقصر عن الماء حبالـــه

غيثٍ على دربه مرابيع وسيـول
مثل الحيا من جـاه علمه عنالــــــــه

سلطان ابو قلبٍ على الطيب مجبول
والمـدح والتقدير والنعـم نـــالــــــه

ما مثل حاتـم في زمانه ولا زول
وسلطان مثله في زمانه لحالــــــــه


الشاعر ماجد ناصر بن عقيل

لاهنت يالعوام على الشيله

وسلامتـكم ..

فارس نجد

صح لسان ماجد

وبيض الله وجهك

يآزين هآك الايـآم انا اشهـد انها دووولــه ذيك المزآيـن

يعطيك العآفـيه

ابو ناشي

الله يعافيك